Ես համաձայն եմ, որ մարդը պետք է լավ աշխատի, որպեսզի ինքը հաճույք ստանա և պիտանի զգա:
Մարդը պետք է համարձակ լինի, որպեսզի շատ բաների հասնի, կյանքում դժվարություններից չվախենա, քանի որ դրանք ժամանակավոր են:
Պետք չէ ձգտել դուր գալ ամենքին, որովհետև մարդիկ տարբեր են: Եթե անընդհատ այդ մասին մարդը մտածի, չի կարողանա հանգիստ ապրել:
Ես համաձայն չեմ, որ երջանկություն ու դժբախտություն չկա իրական կյանքում: Կինոները, գրքերն ու ներկայացումները հիմվում են իրական կյանքի վրա:
Համաձայն չեմ, որ պետք չէ ապագայի մասին մտածել, քանի որ ներկայում քո արածով պայմանավորված է, թե ապագադ ինչպիսին կլինի:
Համաձայն չեմ նաև, որ չպետք է ծնողների մասին մտածել, քանի որ նրանք իրենց կյանքը նվիրել են մեզ, ու մենք պետք է նրանց մասին հոգ տանենք: