Մեր դպրոցը լիովին տարբերվում է մյուս դպրոցներից: Սկսենք ուսումնական ծրագրից: Բացի հանրակրթական դպրոցի հիմնական առարկաներից, մենք հնարավորություն ունենք ընտրությամբ գործունեությամբ զբաղվել, այսինքն՝ ընտրել մեր հետաքրքրություններին համապատասխան առարկաներ ու մեր նախասիրությունները զարգացնել:
Նաև անհրաժեշտ է նշել, որ ի տարբերություն մյուս դպրոցների՝ մեզ մոտ մեծ ուշադրություն է դարձվում համակարգչային հմտությունների զարգացմանը, որը մեր օրերում անչափ կարևոր է:
Եվ, իհարկե, պետք է առանձնահատուկ նշել, թե՛ մեր տնօրենի, թե՛ ուսուցիչների խիստ մտերմիկ, անմիջական ու բարեհամբյուր վերաբերմունքը: Մթնոլորտը մեր դպրոցում հանգիստ է և տրամադրում է լավ սովորելուն: Աշակերտները միմյանց նկատմամբ հարգալից ու ընկերական են: Նրանք բոլորն էլ յուրովի խելացի են և հետաքրքիր, որպես անձ: Առավոտյան երբ մենք գալիս ենք դպրոց ու դեռ չեք հասցրել լիովին արթնանալ, մեզ սպասում է ընդհանուր պարապունքը, որի ժամանակ մենք ուրախ երգում ու պարում ենք: Դա մեզ օգնում է թարմանալ ու դասերին մասնակցել: Մեր դպրոցում պարբերաբար կազմակերպվում են ուսումնական այցեր տարբեր թանգարաններ, տեսարժան վայրեր, որոնց ընթացքում մենք դարձյալ շատ բան ենք սովորում ու միմյանց հետ քննարկում:
Tigran Loretsyan 